كلام في الصميم
- لماذا نرفع أكتافنا إلى الأعلى عندما نضطر للمشي تحت المطر من دون مظلة؟؟ يعني هيك ما رح ننبل؟؟
- لماذا نخفض صوت المسجل أو الراديو بالسيارة عندما نشعر بأننا دخلنا بالطريق الخطأ؟؟ يعني هيك منصير منعرف الطريق الصحيح؟؟
- لماذا عندما تكون بطارية الريموت كنترول ضعيفة نقوم بالضغط بقوة على الأزرار؟؟ يعني هيك منشحن البطارية؟؟
- لماذا عندما نكون داخل المنزل و السماء تمطر نسأل: شو عم تمطر برا؟ يعني بحياتها مطرت جوا مثلاً؟
- لماذا عندما نقرأ على الحائط احترس من الدهان؟؟ لا نصدق بل نجرب ذلك بأصبعنا؟ يعني بدك يللي دهن الحيط يحلفلك يمين؟؟
- لماذا عندما تركن سيارتك في موقف خالي تماماً من السيارات يقوم السائق
الذي يأتي بعدك بوضع سيارته بجانب سيارتك؟؟ يعني بيترك الموقف كله وبيوقف
جنبك؟
- لماذا عندما يتأخر المصعد نضغط عدة مرات على الزر؟؟؟ يعني هيك بحس على دمو و بيستعجل؟؟
- لماذا عندما تكون منتظراً المصعد و يأتي شخص آخر تجده يضغط أيضاً لطلبه؟؟ يعني مش شايفك بالمرة؟
- لماذا نفتح فمنا عندما نقوم بإطعام الطفل الصغير ؟؟؟ نحنا يللي عم ناكل و لا هو؟؟
- لماذا عندنا استعداد لتصديق أي شخص يهمس في أذننا ؟؟؟ يعني الوسواس الخناس أصدق من الناس؟؟؟
- لماذا عندما نتصل بالهاتف يكون الرقم الخطأ دوماً غير مشغول؟؟ شو هالحظ ياللي بيفلئ الصخر يا؟
- لماذا نشعر دوماً بأننا بحاجة إلى 10 دقائق نوم إضافية كلما استيقظنا صباحاً؟؟
- لماذا الشخص الذي يشخر ليلاَ يكون أول من تغمض عينيه؟؟ يعني ما بكفي شخيروا و ببلش فيه بكير كمان؟؟
- لماذا نكتب اسمنا أولاً بالقلم الذي أهدانا إياه أحدهم؟؟ يعني لها الدرجة فرحانين باسمنا؟؟
- لماذا نقول هدية مجانية؟؟ ليش في هدية غير مجانية؟؟
- ليش لما بتشد برغي للآخير بتشد عا حالك و بتكزّ على سنانك؟؟ شو اذا ما كزّيت بينحل البرغي يعني؟؟
- ليش لما بتشوف واحد عمياكل ليمون بتحمض و بتشط ريالتك؟؟ انت اللي عمتاكل ولاّ هوِ ؟؟
- و ليش لما واحد بيتتاوب ادّامك،، بتقلّو نعسّتنا؟؟ لك شو دخلك انت؟؟
- ليش لما نكون ماشين بالسيارة ونشوف قدامنا غصن شجرة واطي شوي منوطي راسنا.. يعني رح يضرب فينا؟
- ليش بعد ما نشرب آخر شفة من فنجان شاي منطلع فيه إذا بئي كمان ولا خلص؟ يعني ما منصدق حتى نشوف؟؟
- ليش لما نسمع صوت عالي او تكسير صحون مثلا , منسكر عيونا ؟ يعني شو بيخف الصوت اذا غمضنا؟؟
- ليش لما بتكون قاعد بمكان عام وبتسمع رنة موبايل فورا بتطلع على موبايلك شو هالقد مهم حضرتك لحتى يرن موبايلك بين كل هالبشر؟
الأربعاء يناير 16, 2008 11:04 am
