لا طلبات بعـد اليـوم .. ساعد نفسكـ بنفسكـ ][

شباب .. انا لاحظت ان موضـوع الطلبات
{{ مــجـلــس الـطـــلـــبــات }} ..لـ طلبات الـصـور و الـفـيـديـو ( هنا فـقـط )
فيـه طلبات سـهلة انكـ تلقاها .. او بالاحرى سهل تبحث عنـها بنفسكـ ..
يعني بـدل ما تتعب الاعضـاء وتتـعب نفسكـ بالانتظـار ..
هناكـ كمـ طريقة تقدر تبحث فيها عن طلباتكـ بنفسكـ ..
وخاصـة طلبات اهداف المباريـات وملخصاتـها الي ملت الموضوع ماشاء اللـه
وانا بعرض لكمـ تقريبـا كل الطرق اللممكـنة للبحث عن الطلبات ..

أولا .. طلبات الاهداف والملخصـات في المباريات ..

يوجـد موقـع اجنبي رائـع وجمـيل جدا مختص اهداف وملخصات
مباريات البرسـا فقط ..
رابط الموقع .. : www.fcb-videos.com
من اسمه تعرف انه مختص فقط لفيديوهات البرشا ..
الموقع سهل .. وبشرح لكمـ طريقة الحصول على الاهداف والملخصات منه ..

مثـال .. انا ابـي هدف رونـالدينو الدبـل امام الاتلتيـكـ مدريد هـذا الموسمـ
وش اسـوي .. ؟!!
او شيء .. اخش على الصفحة الرئيسية لهذا الموقـع هنـــا ... حتلاقي قائمـة في الجانب الأيسر للصفحـة .. رح عنـد خانـة Saison 2007/2008 .. واظغط عليــها (( هنـا بدينا الجـد )) ..
حتلاقي في هذي الصفحة العجب العجاب .. حتلاقي كل اهداف برشلونة هذا
الموسم في كل المباريات وديـة او رسميـة ..
لكن ما يهمني .. انا ابي هدف رونالدينو ..
ايـه صح .. اجل تبي هدف رونالدينو .. انزل تحت .. بتلقى جدول مكتوب فوقـه Liga ..
في هذا الجدول بتلقـى كل اهداف برشلونـة في الدوري الاسبانـي ..
وفي الجدول كل مباريات برشلونة ورقم الجولـة ومسجلين الاهداف ..
حنا نبي هدف رونالدينو على الاتلتيكو الي كان في الجولة رقمـ 26 ..
انزل الى المباراة رقمـ 26 .. حتلاقي (( Atletico Madrid - FC Barcelone 4-2 ))
بنجبهـا حتلقى رابط الهدف ومكتوب عليـه Ronaldinho .. اظغط عليـه كليكـ يمين وحفظ باسم ..
ووووبـس .. كذا انتهينـا ولقينا الهدف المطلوب ..
ونفس الطريقة اذا تبي ملخص هذي المباراة .. انزل للجدول الي تحتـه مباشرة .. حتلقى جدول
خاص بملخصـات مباريات هذا الموسمـ .. مثل السابق .. رح للمباراة رقمـ 26 وحمل الملخص
بنفـس الطريـقة ..

واذا تبي هدف من موسمـ 2006 / 2007 مثلا .. رح للقائمة واظغط على Saison 2006-2007
وبنفس الطريقة .. رح للمباراة المطلوبة وحمل الاهداف والملخصات بكل سهولة ..
مع العلمـ ان جميع الاهداف والملخصات الموجودة في الموقع بوضوح عالي ..
وبتعليـق اجنبـي ..

...

ثانـيا .. طلبات ملفات اللاعبيـن ومهاراتـهم في المباريات ..

انـا الآن شفت هدف الدبل حق رونالدينو ..
ابي اشوف مهارات رونالدينو في مباراة ذيكـ المباراة ..
وابي اشوف كل الي سواه رونالدينو << والله ما باقي الا تقول ابي المباراة كاملـة

اقولكـ ابشـر طال عمركـ .. فيـه موقع رهيب عجيب ...
هذا الموقع مختص باخبار روني وفيديوهاته وكل شيء يخصـه ..
رابط الموقع : www.ronaldinho10.com
افتح الصفحة الرئيسية للموقـع .. اختر اللـغة بالظغط على العلمـ ..
عندكـ ثلاث لغات .. انجلزيـة وبرتغاليـة ومدري وش .. انت اظغط على الانجليزية
وخل الفلسفة ..
بعد ما تفتح الصفحة رح لقسم الفيديو .. من فوق اظغط على videos حتنزل قائمة حلوة اظغط
على le macht .. بعدها بتجيكـ صفحة فيـها مواسمـ .. اظغط على الموسم المطلوب
وهو اكيد هذا الموسم الي هو 2007 / 2008 ..
في هذي الصفحة الحلوة .. الي هي هذي هنـــــا .. حتلقى كل ما قدمـه رونالدينو في كل مبارياتـه هذا الموسم ..
رح لاول قائمة الي هي Liga ... اظغط على الصورة الي مكتوب تحتها (( Atl
Madrid - Barça )) ومكتوب تاريخ المباراة .. بعد ما تظغط بجيك التحميل
مباشرة .. ومشاهدة ممـتعة ...

ملاحظـة مهمـة : هذا خاص برونالدينو بس .. لا يجيني واحد ويقول ابي كل ما قدمة
بويول في المباراة .. لاني ما اتوقع ان فيه موقع خاص لبويول ..
فيـه موقع خاص بميسي وهو : www.liomessi.org
الموقع سهل وبسيط وطريقته تقريبا نفس طريقة موقع رونالدينو ..
للاسف ما اعرف غير هالموقعين الي يقدمون ملفات خاصة بلاعبين برشلونة في المباراة
فيـه مفات خاصة تنزل لهنري بعد كل مباراة تقريبا .. لكن مالها موقع خاص ..
باذن الله ساجمعها في موضوع مستـقل قريبا ..
وذا ما حطيته .. يمدحون اليوتوب

...

ثالثا .. طلبات لقطات واهداف للجوال ..

اخواني .. فيه برنامج حلو للتحويل صيغة الفيديو الى صيغة الجوال ..
يعني بدال ما تتعب الاعضاء وتخليهم يحملون اللقطة ويحولنها ويرفونها لكـ <<< مشوااااار
حولها بنفسكـ ..
انا بعطيكـ هنـا البرنامج وبشرحه شرح بسيط وعلى السريـع ..
او شيء حمـل البرنامج بعدين نتفاهم ..
البرنامج + السريـال

الشرح بالصـور .. :

الصـور : 1 .. 2 .. 3 .. 4 .. 5 .. 6


البرنامج سهل .. ومع الشرح اسهل واسهل ..
وخلني اشوف احد يطلب لقطات للجوال .. بذبحـه

....

رابـعا .. طلبات الصـور !

اذا تبي صور للاعبـين ..
خش على هذا الرابط هنـــــا
واكتب اسم اللاعب في خانـة البحث ..
اعتقد السالفة سهلة وما تحتاج شرح ..

..

خامســا .. طلبات المهارات واللقطات

اووووه .. عاد ذي اصعب شيء يمكن الواحد يدور عليه

انا بقولكـ الطريقة .. باختصار .. www.youtube.com

انــه الموقـع الافضــل بلا منازع ..
انا بقولك كيف تبحث عن لقطتكـ في اليوتوب ..

مثلا انا ابي لقطة كبري ميسي على كنفارو .. <<< اسهل لقطـة
افتح اليوتوب من الرابط السابق .. اكتب في خانة البحث كلمة منسبة للقطة ..
يعني مثلا messi skil vs Cannavaro أو Messi vs Cannavaro ..
او اي كلمة مناسبة ..
مثلا كتبنا Messi vs Cannavaro .. بعد ما تظغط على search
لقطات كثيرة .. انا متاكد ان وحده منها هي المطلوبـة ..
وانا دورت ولقيت للقطـة .. هنـــا ..

وبنفس الطريقة ابحث عن لقطاتكـ ..

طييييب .. بجيكـ واحد معابط وبقولك انا ابي احملها .. تقدر يا شغب
تحملي اياها .. اتحداكـ !!
بقوله ما عاش من تحدى الشغب
هنـا طريقة سهله ومضمونـه للتحميل من اليوتوب ..
برنامج التحميل من اليوتوب الجديد Youtube Video File Downloader


هذا البرنامج الرائع يحملك من اليوتوب بكل سهولة وامان ..
طريقتـه على السريع .. ثبت البرنامح .. افتح البرنامج .. افتح صفحة اليوتوب
المراد تحميلها .. سيظهر البرنامج تلقائيـا ..
اختر صيغة الفيديو ومكن الحفظ .. واحفظ بكل سهولة
رابط تحميل البرنامج الرهيب .. هنــــا

على فكرة .. هذا البرنامج يحمل من اي موقع مشاهدة ومو بس اليوتوب ..
....

عاد بعـد ذا كلـه ولا لقيت الي تبيـه مالكـ الا
{{ مــجـلــس الـطـــلـــبــات }} ..لـ طلبات الـصـور و الـفـيـديـو
واللـه المستـعان ..

اووه .. والله اني تعبت من الكتابـة
تصدقون .. اول مرة اكتب موضوع بذا الطول .. !!
فيه طرق ثانية وحلوة ... لكن خلاص .. تعبت .. هذا يكفـي

وانشاء اللـه الكل استفاد من هذا الموضوع .. وعلى فكـرة ..
هذا الموضوع حصري للفورسـا <<<< حركاااات
وسلااااااااااااامتكمـ

الرياضة جنون
وانت احلى مجنون
النورس الحر بحييك
وبقولك بارك الله فيك