اضحك للدنيا تضحكلك

مثل دايما بنحكيه في سياق الحديث او ممكن كنوع من المزح
بس ياترى عمره حدا فكر انه هاد الكلام صحيح %100
ما بعرف ازا سامعين بما يسمى بالبرمجة اللغوية العصبية في قانون بالبرمجة اسمه قانون الجذب ومعناه انه ما تفكر فيه يحصل لك
ومعنى تاني انه ما تضعه في ذهنك تحصل عليه
هاي قاعدة ثابتة ومجربة ومع رب العالمين ما في مستحيل باذن الله
بس المهم حط هدف بذهنك وامشي نحوه
دائما حط ببالك الجانب الايجابي من الموضوع
كتير من الطلاب مثلا بيستعدوا للامتحان بشكل جيد لكن للاسف افكاره السلبية بتعطل عليه كل اللي درسه
مثل ان تسال طالب كيف استعدادك للامتحان حتى لو كان دارس كويس بيقولك خايف من هادي المادة كتير او ممكن يقولك بايعها يعني مش فارقة معي فهيك افكاره السلبية بتعطل عليه
الحياة فيها الحلو وفيها المر وكله بدو يمر بس المهم طريقة تعاملنا احنا مع المواقف اللي بنتعرضلها يوميا
اخي العزيز او اختي العزيزة تميزوا دايما بالتفاؤل والايجابية وكونوا مع الحق حتى لو كان ضد مصلحتكم احيانا
وبالاخر بقول اضحك للدنيا تضحكلك ان شاءالله