ابتسم ..أنت في غزة

إذا بيوم من الأيام حضرت عرس ...ونزلت الشباب
عالدبكة وبلش العرق يزرب...وحميت مع شبيحة الدبكة) وسحب الكلاشنكوف
وطررررررر...بلش طخ عن جنب وطرف وهو برقص وبدبك ...
وسقط ثلاث شهداء من جراء القصف العشوائي ....... ابتسم أنت في غزة..انت بتحضر عرس فلسطيني



إذا تجوزت ...والناس واقفيتلك عالمسطرة بتستنا أسبوع
العسل لما يخلص عشان يفيعو عليك ويهجموا هجمة رجل واحد..وكل واحد فايت يا
يجيبلك طقم فناجين قهوة...ياصينية...وبالآخربتحوشلك سبعطعش طقم قهوة وحدعش
صينية واستنا مناسبات عشان ترجعها لصحابها...بتكون بتمارس واجباتك
الاجتماعية بغزة وين يعني...ابتسم...


..




إذا كنت قاعد على مكتبك بوظيفتك...وكل المراجعين
اللي أجوك طلعوا يا قرايبك يا نسايبك يا مخاولك (سوم هاو ) وكل واحد الا
بيسألك بتعرف فلان الفلاني...هذا إبن عم جدتها لبنت عم مرة أخويا
اللزم...هاتلك بوسة يا زلمه...اممممموا...امممممممممممموا ...ابتسم فأنت في غزة سابقا وحاضرا ومستقبلا ههههههههه




إذا كنت ماشي بسيارتك مستعجل بدك تلحق موعد..ولا
الشارع مليان سيارات عن اليمين والشمال...إمشي ..إمشي والسير يالله
ماشي...فجأة بتشوف هالسيارة المزينة...وكلها ورد وشبر...والعريس النضوة
حاطط نيوترال وداحل....وليش السير واقف..لإنه كل واحد من المحترمين اللي
بالشارع بده يوقف خمس دقايق جنب سيارة العروس وينظر النظرة الأخيرة
عالعروس ...نيال ابوها...إذا صار معك مثل هالموقف مشتبتسم بس...اضحك واقلب على ظهرك...إنت بغزة يا عمي ...




إذاكنت بصلاة الجمعة...كلك إيمان وخشوع بعد الخطبة
المؤثرة..والإمام صوته ما شاءالله..بيدغدغ القلوب...وأول ما يسلم الإيمان
وخلصت الصلاة سمعت :

بكسة البندورة ب 5 شيكل


ريان يا فجل





"

أصابيع البوبو ياخياااااااااااااااااااااااااااار.. .كيلوالخيار بشيكل ...يالله يالله "



"

عالسكين يا بطيييييييييييييييييييييييخ....أحمر أحمر يا بو قرعه...ابتسم وابتسم وخلي طواحينك يبينو...إنت على باب جامع بغزة

والله انك زعلتني مش خليتني ابتسم

لاني شفت اعمال اهلي وناسي اللي ما بتسر حدا الله يعينا عليهم بس

ويريحنا من اللي متل بتقول عنهم وبس - بس مو كل اصابعك متل بعض -

هادى الشي كله من الهم والنكد اللي عايشينه بدهم يبسطوا حالهم هههههههههههههه

مشكور عالموضوع زعيم بس هاد مو بغزة فقط
هاد الالشي بصير بكل فلسطين فابتسم
والله يعين اهلنا في غزة ويحماهم